Mirë se vini

Muzikë të vjetër të odave tona, vetëm përmes faqes: www.rapsodet.com

Vizitues të dashur,

Hapja e faqjes www.rapsodet.com është nismë personale e arkivit tim personal. Në këtë faqe nuk keni nevojë të regjistroheni për shkarkime të këngëve, sepse nuk ka këngë për shkarkim. Mbledhja dhe trasferimi i audiokasetave të vjetra për kthimin e tyre në mp3, ka zgjatur me vite të tëra. Pjesën më të madhe të kohës së lirë ia kam kushtuar këngëve, edhe sot e kësaj dite kjo vazhdon. Dashuria për këto këngë ishte prej fëmijërisë, andaj edhe vazhdon edhe sot. Edhe pse kemi edhe shumë tjera këngë, por ma merrë mendja se këto këngë janë që na rritën në çdo çast: në liri, në luftë, në dasma apo në çdo vend tjetër. Këngë që disa raste e shkruan vet historinë e shumë luftëtarëve të të gjitha kohërave. Këngë që i kënduan edhe legjendave tona apo edhe shumë këngë që i kënduan dashurisë.

Qëllimi i faqes është që kjo punë të vazhdoj edhe më tutje përmes kontakteve të ndryshme, që përshëndes të gjithë ata që më ndihmuan, me dërgimin e këngëve, apo në tjera mënyra. Dëshira ime është që këto këngët të ruhen sa më mirë që është e mundur.

Këto këngë nuk duhet të harrohen, edhe pse viteve të fundit "kemi krijuar edhe muzikë të re" që nuk do të jetojnë me dekada të tëra siç jetuan këngët folklorike. Andaj kjo faqe është një mundësi e vogël për tu treguar se rapsodët tanë nuk kanë vdekur dhe nuk do të vdesin kurrë. Si mund të harrohet Salih e Feriz krasniqi, Rizah Bllaca, Augustin Uka, Sef Mleaqni me të bijtë si dhe shumë e shumë tjerë...

Kohëve të fundit janë disa këngë për ndëgjim me shpresë që numri i tyre të shtohet çdo ditë. Më këtë lus të gjithë ata që dëshirojnë të bëjnë reklama të firmave të tyre të lajmërohen , dhe që do të ishte më lehtë të lëshoj më shumë këngë për ndëgjim dhe për tërë muajin. Për tjera shpjegime apo posedime të këngëve të më shkruajnë në e-mail.

www.rapsodet.com Falënderime