KËNGË DASHURIE

Të gjitha këto këngë janë të marra nga Libri KËNGË DASHURIE I, i botuar nga Instituti Albanologjik i Prishtinës në Prishtinë në 1979.

Boll e mirë e bardhë si pllumi,

Me të qit'n'bjeshkë, po t'mytë guri,

Me të djerg' n'shpi, po t'han katuni,

Me t'qit'fushë, po t'qorro pluhni,

Me të qit n'mal, tutna t'han uki,

Me të shti n'arkë, po me des uni,

Me të shti n'xhep, tutna po t'hupi,

Me të shti n'gji, tutna t'merr gjumi;

Ishalla t'ruen zo'i lumi!

Sllup - Deçan, 1978

Cub Sadrija po i bjen fellit.

- Ku e ke marr'kët trup sheqerit?

- Ma ka çua zot'yn prej qiellit,

Ma ka çua zot'yn  e i lumi.

M'e qit' n'bjeshk', po ma vret guri,

M'e lan' vërri, ma puth katuni.

Un' i mjeri s'po kam pare,

Me i pru Hanës 'i hysmeçare;

Me i godit' odën druni,

Me i ble simita gruni,

Me ia shlua gjogun me shal',

Me shetit' katunin n'ball',

Mos me i lanë shoqet me dal',

As n'katund e as n'pazar.

Stjepoh - Trijesh, 1968

Mor' e mira bukuri,

Merr' gjergjefin, hajde rri!

- Un po vinj, por nuk m'le nana!

-çile shtegun shenj te thana,

Nji të pat-e kadën nana,

Thuaj:- Mora nja dy thana.

Mor' e mira bukuri,

Merr' gjergjefin, hajde rri!

- Un po vinj, por nuk m'le halla!

-çile shtegun shenj te dardha!

Mor' e mira bukuri,

Merr' gjergjefin, hajde rri!

- Un po vinj, por nuk m'le motra!

-çile shtegun shenj te molla!

Nji të pat-e kadën motra,

Thuaj:- Mora nja dy molla.

Mor' e mira bukuri,

Merr' gjergjefin, hajde rri!

 Un po vinj, por nuk m'le tezja!

-çile shtegun shenj te shega.

Nji të pat-e kadën tezja,

Thuaj:- Mora nja dy shega.

Ljare - Krajë

Del syzeza n'derë t'oborrit,

Zylyfzezë si krahi i korbit.

- Qysh p'e lamë punën e jorokut?

-  Qysh a kanë gjith para sodit:

Kur ta noj dorën në flokë,

Dije djal' qi kem' jorok;

Kur ta noj dorën në faqe,

Kem jorok te molla lalqe;

Kur tanoj dorën në mjekërr,

Hajde, djalo, qyqe vetëm;

Kur ta noj dorën në fyt,

Hajde, djylo, vet' i dytë;

Kur ta luen dada pshellakun,

Djal' me qef msyma konakun;

Kur t'nis dada shamin' me luejt'

Dije, djalë, kan' kuvetë me t'ruejt'.

Shkrel - Rugovë, 1975

More dardha rrotullare,

As e vogël, as e madhe,

Porsi dardhë edhe limue,

Hajd' e mirë, a vjen me mue,

Se t'kam dashë edhe të due?

Syt' e vetllat kuj ja ruen?

- Djalë beqarit t'pa martuem!

Syt' e vetullat të nxim,

Shum' ma paske bukurinë!

Bukurinë qi të kan' dhanë

Ma gëzosh-e me jaran!

- Jarani po del në lam'',

Del në lam', e then nji kamë,

Then nji kamë edhe nji dorë.

Për heqim ju nollsha un';

Nënta vjet-e më daltë punë,

Masanej e marrsha un'!

Ljare - Krajë

Mori dardhë rrugushore,

Rrugushore e limou,

Haj e mejr a vjen me mou,

Mo kujtojsh se të koum harrou,

Si t'koum dasht' opet të du.

Në të arrofsha e çerrofsha,

Po si lisat në mal u thafsha,

Me xhith degët posht rafsha!

Serbicë - Kërçovë, 1972

Gjysmën e ballit ta zuri stolija,

Më s'të pashë dot.

Gjysmë ore të bëra sehir,

Më s'të pashë dot.

Më la pa ment, më le pa fiqir,

Më s'të pashë dot.

Gjysmën e gushës ta zuri floriri,

Më s'të pashë dot.

Kranjë - Prespë

ç'të është nxirë vetulla tynë, edhe moj

Ajde edhe moj moj.

Jo e jo për perëndinë, edhe moj,

Ajde edhe moj moj.

Ashtu ç'e kam bukurinë, edhe moj,

Ajde edhe moj moj.

Prit një javë, prit një muaj, edhe moj,

Ajde edhe moj moj.

Mollënë në xhep ja ruaj, edhe moj,

Ajde edhe moj moj.

ç'u kalp molla, ç'u kalp xhepi, edhe moj,

Ajde edhe moj moj.

Ati beut ç'i ardhi lezeti, edhe moj,

Ajde edhe moj moj.

Kranjë - Prespë

Breg më breg këcen Mrika,

Tek te pashë, moj, unë u fika.

Ti këcen, moj, porsi shkurta,

Tek të pash, moj, unë u kputa.

Po këcen si berbyli n'dardhë;

Tek ta pash ballin e bardhë,

Shumë po t'lutem, moj, me ma fal,

Ti ma fal, moj, ma fal vet',

Nuk ta marr, moj, pa të dved'.

Ne at' gjum qi je tuj fjetë,

Ti u djegsh, mori si vet'!

Ty tu kput, moj, kryet e qafa,

Tuj shiku belin pe¨r mrapa.

Oh, mos me mundo, moj Mrikë,

Shej në zemër të raft' nji pikë!!

Oh, mend për ty jan' tu me dalë,

Nuk e la moj pa të marrë!

Fraskanjel (Bregu i Bunës) - Ulqin, 1967

Mor' e mira mjekërrbutë

Thep në thep po kcen si sutë,

Thep në thep po kcen si zanë,

Flokt e g-jata pse i ke lanë?

Ti pret baca me gërshanë,

Me gërshanë o ren për ball',

Ta puth baci qaf'n e bardh';

Mir' ma prishe ramazan.

- Hajt atyj, more budall',

Nuk t'kam faj se jam e bardhë,

Se njeshtu zoti m'ka fal',

Me t'prishë menen, me t'ba 'marr',

E jo me t'pirshë ni ramazan.

Vuthaj - Gusi, 1967

Kush po zdirgjet qasaj are?

Ni syzezë kapuç me pare,

As e vogël, as e madhe,

Sikur dardha rrumbullake;

Po kuvend djali me çikë.

Po i thot nusja: - Shka po lyp?

- Njanen faqe me nji cic'

Qaty nusja i paska brit':

- Mos ja jep t'plasshin syt'!

Asht i ri e na korit'.

E lyp rokin dit' për dit'.

Soll ni dit' n'rok mos m'i dalë,

S'na le vendin n'shtat mahallë.

Kush po zdirgjet qasaj are?

Ni syzezë kapuç me pare,

As e vogël, as e madhe,

Nifarë senit, tamam taze,

Bash si dardha rumullake.

Sikur dardha qi rri n'pip,

Po kuvet djali me çikë.

Po i thot' motra:- çka po t'lyp?

- Njanen faqe, të dy sytë.

- Rueju motër, t'plaçin sytë!

A i ri djali e po t'korit,

Ta lypë rokun ditë për ditë.

Për gjith' ditë n'rok me i dalë,

Je e re, rritën ta ndalë.

Drelaj - Rugovë, 1967

Kush po zdirgjet qasaj are?

Rrushja e mirë gjyksin me pare.

Ku i ke marrë, oj e dalnja fare?

E dalnja fare, e dalnja feje,

Shum-e mot hupas mas teje,

Shum-e mot e shum-e ditë,

Tye t'i çue do zanthiu msitë.

- Pse po i çon, djalë, msit' budallë?

Dama ditën kur me ardhë.

Kush prisht' fjalë për ty e mue:

I cofshin kiet tue livrue,

I coftë lopa kur baftë me pjellë,

I cofshin dhetë n'at pranverë,

I dektë djali, kur baftë me ecë,

I coftë pula, kur baftë me çelë,

I coftë qeni tue hangër gjellë,

Ju msheltë dera me ni therrë!

Marec - Gollak, 1976

Mor' e mira në kapixhik,

A jen use a je çikë?

- Qysh s'po m'njeh tue m'pa për dit'?

- Me çue msitin për me t'lyp',

Si n'mos të dhasht baba yt,

Ma ep besën çi po ik!

- T'epi besën, t'epi dorën,

N'kjofsh i zoti çi lue l'vorën.

Me luejtë l'vorën, me luejtë gishtin,

S'asht kallaj me grabit' çikën!

Vuthaj - Gusi, 1971

Mori e mira n'qat tallishtë,

A m'je nuse, a m'je çikë?

- Me ka' nuse, i kam zylyftë,

Po jam çikë, shaminë nër fytë.

Pse s'pi çon msitin me m'lypë?

- Nuk po t'jep çaj mixha yt.

- Unë mixhës i kam kallxue,

Burrin e keq-o nuk e due.

Ma jep besën, ma jep dorën,

N'kofsh i zoti me lujt' pishtolen,

Me luejtë pishtolen, me lujt' thikën,

S'asht kallaj me grabitë çikën!

Carovik - Klinë, 1976

Mori e mirë qi shkon për brymë,

S'po t'len vjami me marrë frymë,

Shkon për brymë tue pushue,

Rigjaxhit', rrushe, t'kam çue!

- Rigjaxhit', djal', nuk t'i due.

Në kofsh ba merak për mue,

Rrok qat pushkë, hajde n'krue.

- Si mos dashtë, çikë, baba yt,

Ma jeèp besën qi po ikë?

- T'api besën, t'api dorën,

A je i zoti me dredhë pishtolen?

Gjurishefc - Kamenicë

Pasha mujin e Ramazanit,

M'ka zanë gjumi n'gu t'jaranit,

N'gu t'jaranit, gjalit të ri,

Ma ka falë ni mixhdi.

Mixhidin' e Turkis'.

Kish jazin' e ashikis?

N'kofsh i zoti, luje thikën!

S'a kollaj me grabit' çikën!

N'kofsh i zoti, luj pishtolen,

S'a kollaj me grabit' zojën!

N'kofsh i zoti, luje pushkën,

S'a kollaj me grabit' nusen!

Kaçanik, 1951

Mereme vetull' me çark.

- Hajde Muho te rrim' pak,

Se m'ka xan' i ziu marak.

Ta nap besën me m'grabitë,

Ta nap besën, ta nap dorën,

Muharrem shtërngo livorën,

Shtërngo livorën e thikën,

S'isht kollaj me grabitë çikën.

Se çika s'grabitet vet,

Se don çevre e faculetë.

- Mereme e bija e Hajdarit,

Pse i lakmove ati djalit?

A i lakmove gjasë e mallit?

A i lakmove rrypit arit?

- S'i lakmova gjas', as mallit

S'i lakmova rrypit arit.

Gjaja e malli s'ban dobi,

Duhet djali bujaki.

N'ata pinxheret e nalta,

Del Mereme gojmjalta.

N'ata pinxhere e ulta,

Del Mereme gojbuta.

Kllezën - Ulqin, 1958

Hatija 'j e vargut-o

çar më ke në ball?

- Lepe tunaqetam gjal':

Lule portokall.

Hatija 'j e vargut-o,

çar me ke në façe?

- Lepe tunanqeta, gjal':

Lule manushaqe.

Hatija 'j e vargut-o

çar më ke në xhi?

- Lepe tunaqeta, gjal':

Kam dy shefteli.

Veleshtë - Strugë, 1972

More çikë nar hie t'gurit,

A i ke ba çarapt e burrit?

- I kam ba, i kam marua,

M'kanë met' lidhcat pa i tufua.

I tufoj kur t'shkoj me dhi,

E shtroj shtratin dar lajthi.

- Vin' çoban' me nej' me ty,

Vesin, çikë, ça ke në gji.

- Kam dy molla gjylabi,

S'mun t'i fali, djalë i ri.

Janë të burrit, koft i zi!

Drelaj - Rugovë, 1969

O moj shamejkuqe,

O moj shemjverdhë,

Dil ke kapixhiku,

Të folim njiherë!

Të folim njiherë,

Posi qera herë!

- A nouk shef, bre xhalo,

Se na shkoj kjo verë?

Vera erdh e shikoj,

Bylbyli s'kënoj.

Ajo ver' e vjeçme,

Shoumë e lezeçme!!

Kjo ver' e simjeçme,

Hyeq e palazeçme!

Kërçovë, 1957

As më nep njerë ujë,

Moj çupë e Kurtesit?

- Pse se të të jap,

Mor djalë i Përmetit?

- Me doçet e tua,

Moj çupë e Kurtesit.

- Doçet i kam zënë,

Mor djalë i Përmetit.

- Me se i ke zënë,

Moj çupë e Kurtesi?

- Këna që kam shtënë,

Mor djalë i Përmetit.

Kranjë - Prespë

Mori e mirë qerpikt me rrema,

Ç’ta ka ba qat pikë tu zemra,

Ç’ta ka ba qat pikë të kuqe ?

- Më ka zanë jarani nuse,

E ka zanë, tha, prit e marrt’,

Kurqysh hajrin mos ja paft’,

Zoti evlad’mos i falt’ !

Mos i falt’ djalë as çikë,

Ju daft’ toka me përçik,

Me përçik e me konmop,

Ju maroft’ nusja dër shokë!

Ju martoft’ nusja n’kopjshi,

Ju daft’ bjeshkë e ju daft’ vrri!

Martinaj – Gusi, 1969

Mori e mirë qerpikë me rrema,

O ho-ho, hoj da do.*

ç't' u ka ba ni pikë tu zemra

ç't'u ka ba ni pikë e kuqe?

Mos t'ka zanë jarani nuse?

- E ka zanë, e pritë e marrtë,

Kurrqysh hajrin mos ja paftë,

Mos pastë çikë e mos pastë djalë!

Me konop toka ju daftë,

Ju daftë toka me konop,

E ju dafshin gjaja me short!

Vuthaj - Gusi, 1962-70

* Përsëritet pas çdo vargu

Dy qafë ruda knojnë me plluma:

- Lumja unë jaran ka zuna!

Lumja unë jaran ka kam,

Ndaç të bukur, n'daç azgan,

Veshë jelekun me mitan,

Me mitan ma vesh jelekun,

N'gjyks të gjanë ma qet qystekun,

N'përmjet t'hollë ma gjeshka rrethin;

Gjeshka rrethin, ni rreth të zi.

Qe tri vjet m'ka shkua n'ushtri,

Ardhë m'ka ni haber i zi:

M'thanë jarani t'asht fejua,

Sot tri javë ka m'u martua,

Aj e prit edhe e marrtë,

Mos i faltë zoti evlad'!

Mos i faltë djal' as çikë,

Ju mat' toka me përrçikë,

Me përrçikë e me konop,

Ju martoftë nusja për shokë!

Vuthaj - Gusi, 1968

Për tjera këngë vazhdo këtu: